Reala eta Tolosa CF-ko beteranoen partida larunbatean jokatuko da, 16:30ean. Iluntzerako, 21:00etan, afari herrikoia antolatu du klubak. Txartelak aurrez ordaindu behar direla azaldu dute, egunean bertan, partidan zehar jaso ahal izateko.
Mendeurren afaria Tolosako Trianguloa plazan egingo dute, eta klubetik «erraldoia» izatea nahi dute. Herritar guztiak beraz gonbidatuta daude.
Izena emateko Kutxako 2095 5067 10 9118205955 zenbakian 20 euro sartu behar dira izena eta bi abizen jarriz. Ondoren, abenduaren 10ean bertan, beteranoen partidan zehar txartela hartu ahal izango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!