IX. Ogi Berri Txapelketa, Migel Soroaren Oroimenezkoa, azken txanpan sartu da. Lehen finalerdiak igandean jokatu ziren,eta azkenak bihar jokatuko dira.
Lehen mailan, Fernandez-Olidenek 22-11 irabazi zien Zubizarreta-Erleri. Elite mailakoan, eskualdeko pilotari batek txapelketari agur esan zion. Eneko Labakak 17-22 galdu zuen Canabal-Garmendiaren aurka, Apezetxea lagun zuela. Etorkizunekoetan, Amiano-Peñalverrek 22-20 irabazi zuten euren finalerdiak, Rekalde-Belokiren aurka.
Bihar, 11:00etan Beotibarren
Soroa txapelketako azken finalerdiak bihar jokatuko dira Tolosan. Hauek izango dira hiru partidak:
- Lehen mailan: Altuna-Ugartemendia vs. De La Fuente-Lizeaga.
- Elite mailan: Arteaga-Irurita vs. Alberdi-Aldabe.
- Etorkizunekoen mailan: Apezetxea-Landa vs. Aranbarri-Telleria.