Udalak Zumarditxikiko proiektua azalduko die herritarrei azaroaren 30ean

Tolosaldeko Ataria 2022ko aza. 25a, 14:35

Bileraren helburua da Zumarditxikiaren izaera eta erabilera berreskuratzeko teknikoki landu den proiektua erakutsi eta eremuan egingo den esku-hartzearen berri herritarrei ematea. 18:30ean izango da bilera, batzar aretoan.

Tolosako Udalak proiektu bat garatu du Zumarditxiki eremuak garai batean zuen erabilera eta izaera soziala berreskuratzeko. Proiektu hori herritarrei zabaldu nahi die orain, eta bilera irekia egingo du datorren asteazkenean, hilak 30, 18:30etik aurrera udaletxeko batzar aretoan. «Bertan, Zumarditxikiaren izaera soziala eta erabilera berreskuratzeko teknikoki landutako proiektua aurkeztuko zaie tolosarrei, eremuan egingo den esku-hartzearen berri emanez», esan du. Bileran, udal gobernuko ordezkariek, udaleko arkitektoak eta proiektuaren idazketaz arduratu den Sestra enpresako kideak egongo dira azalpenak ematen eta herritarren zalantzak argitzen. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!