Julio Villar eta Dina Bilbao protagonista, gaur eta bihar, Tolosan

Antxon Bandres Bidaiarien Txokoak Julio Villar eta Dina Bilbao protagonista hartuta hitzaldi bana antolatu du.

Lehen hitzaldia gaur izango da, 19:30ean, kultur etxean, eta Julio Villarri lotua da, eta Dina Bilbaori lotutakoa, bihar, osteguna, izango da ordu eta leku berean.

Gaurko hitzaldiko hizlaria Ibon Gaztañazpi kazetaria izango da. Julio Villarrek Mistral belaontzi txikian munduari bira eman zionetik 50 urte pasa dira, eta Gaztañazpik bere liburua euskarara itzuli du: Julio Villar. E, petrel! nabigatzaile bakarti baten koadernoa.

Dina, bizitza eta kirola

Hogeita bost urte dira Dina Bilbao ondarroarra itsasoan desagertu zenetik. Hasteko, Itxaro Borda idazlearen sarrera hitzaldia izango da, eta jarraian, Anartz Agirre kazetariak ETBrako egindako dokumentala eskainiko dute. Amaieran, Emakumea eta Itsasoa bekaren aurkezpena egingo dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!