Irristaka taldeak antolatu du proba, Tolosako Udalaren laguntzarekin eta Gipuzkoako Irristaketa Federazioaren zuzendaritza teknikoaren babesarekin. Izena emateko epea azaroaren 24an, ostegunean, itxiko da; hortik aurrera, ez da onartuko inskripzio berririk. Gehienez, 100 parte hartzailek eman dezakete izena. Izena emateko edota informazioa eskatzeko ondorengo helbide elektronikora idatzi behar da: irristaka@gmail.com.
9:30ean hasiko da lehiaketa Tolosako Usabal Kiroldegian. 2010. urtetik atzera jaiotako edonork parte hartu ahalko du, federatuta egon ala ez.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!