Alokairuaren inguruko hitzaldiak antolatu ditu Zutani elkarteak Pobreziaren Aurkako Jardunaldietarako. Gaia alderdi desberdinetatik landuko dutela esan dute elkarteko kideek eta horretarako hiru hitzaldi eta tailer bat antolatu dituzte datorren asterako. Guztiak izango dira 19:ooetan Tolosako kultur etxean.
Azaroaren 7an Ezin dut alokatu hitzaldia eskainiko du Juande Gomez Madrilgo Provivienda elkarteko kideak. Jatorria dela eta bazterketa pairatzen duten pertsonengan jarriko du azpimarra. Azaroaren 8an etxebizitza kolaboratiboak izango ditu hizpide Arteale Fundazioko Mari Jose Anituak. Gasteizko proiektu bat da eta 2018. urtetik dago martxan. Azken hitzaldiarekin batera tailer bat egingo dute pobrezia energetikoari buruz. Azaroaren 9an izango dira eta Tolosaldea Garatzeneko Garbiñe Mendizabalek eta Usoa Aldazabalek eta Goienerreko Aitor Ossak eskainiko dute.