Lau eta Erdiko finalerdietara igarotzeko gaurko partida bai ala bai irabazi behar zuen Jokin Altunak, eta halaxe egin du Tolosako Beotibar frontoian. Nagusitasunez, gainera. Partida azkarra izan da, lehenengo segundotik tantoak batzen joan baita pelotari amezketarra; bata bestearen atzetik. Dario amore eman gabe aritu da lanean, baina ez du lortu Altunaren erritmora joatea. Aldagelan izan duen arnasa hartzeko tarteak ere ez dio lagundu. Hiru tanto egitea lortu baditu ere, Altunak azkenekoa zuen dagoeneko. Eta, azkenean, 22-3ko emaitzarekin lortu du amezketarrak finalerdietarako txartela. Orain Elordirekin lehiatuko da aurrez aurre finalera igarotzeko.
Altuna III VS Ezkurdia _ Lau eta Erdiko Finala 2022
Altunak nagusitasunez irabazi du
Pelotari amezketarrak Lau eta Erdiko finalerdietarako txartela eskuratu du arratsaldean Darioren aurka jokatu duen partida irabazi ostean (22-3).
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!