Dultzaineroen dianak hasi du Larramendi auzoko bigarren jai eguna. Gaztetxoek zirkuaz eta ponpa tailerraz gozatzeko aukera izan dute, eta eguerdian Iraunkorrak txaranga aritu da auzoa alaitzen.
Bazkarian 400 herritar inguru elkartu dira, eta bazkalostean Diego Calavia eta Jon Zabalen eskutik gertuko magiaz gozatu dute. Arratsaldean, Iraunkorrak txaranga itzuli da, eta bitartean gaztetxoek zirku ikuskizuna ikusiz ederki igaro dute. Gazte nahiz helduentzat musika izan da ondoren auzoan.
Bihar izango dute azken eguna jaiek:
- 10:00. Txistulariak.
- 11:00. Aldi bereko xake partidak.
- 11:00. Patata tortilla lehiaketa.
- 14:00. Bazkaria.
- 17:00. Buruhandiak.
- 17:00. DJ Dani.