Gipuzkoako ikasle guztiak ekitaldi honetan parte hartzera animatzen dituzte. Bertan, euren burua gainditu eta eskaladaren munduan esperientzia berri bat bizi ahal izango dute.
Egitaraua eta parte-hartze oinarriak:
- Eguna eta lekua: Urriaren 30a, Ibarra Kiroldegia, Aretxabaletan eta azaroaren 13an, Usabal Kiroldegian Tolosan.
- Partaideak eta mailak: Gipuzkoako ikastetxeetako neska-mutilek har dezakete parte. Mailak: alebinak (2011-2012 jaiotakoak), infantilak (2009-2010 jaiotakoak) eta kadeteak (2007-2008 jaiotakoak).
- Izen-ematea: Probaren egun berean, prezioa 3 € partaideko izango da.
- Ordutegia: Eskalada: 9:30-13:30. Diplomak: 13:30-14:30
- Helburua: Errespetu eta adiskidetasun balioetan oinarrituta, norberaren trebetasunak partaideekin neurtzeko aukera izango dute.
- Proba sistema: Zirkuitu itxi bat egongo da. Zirkuituaren helburua haurrek bloke guztiak probatzea da (15 bloke) errazenetik zailenera. Start-a eta boulder-aren top-a pegatinekin seinaleztatuta egongo da, baita bloke bakoitzaren zenbakia ere. Haur bakoitzak fitxa bat izango du lorpenak apuntatzen joateko, X bat bidea osatzea lortzen ez diren saiakerengatik eta T bat bidea lortutako saiakerengatik. Maila bakoitzean sailkapen misto bakarra egongo da, hau da, sexu bereizketarik gabe. Maila bakoitzean sailkatutako lehenengo hirurek izendun diploma bat jasoko dute.
- Opariak: Partaideek Camp Base-ren kamiseta bana jasoko dute.
- Joan-etorria: Ibilgailu partikularrak erabiltzeak, arazo desberdinak sor ditzake: segurtasunezkoa, trafikozkoa, aparkalekukoa, CO2 igorpenak, etab. Garraio kolektiboa erabili.
- Ezustekoak: Ezustekoren bat gertatuz gero, antolatzaileen esku egongo da zer egin erabakitzea.
- Partaideen irudiak: Jarduera publikoa izanik, bai prentsan eta bai Federazioaren edo elkarte antolatzailearen webguneetan argitaratzeko bideo eta argazkiak aterako dira. Hala ere, umeen arduradunak argazkiak ez publikatzea eskatu dezake, bertan edo gmf-administrazioa@kirolak.net helbidean.
- Edukiera: Rokodromoko gehienezko edukiera 100 partaidekoa da. Beraz, izen-ematen dutenen kopuruak edukiera gaindituko balu, partaideak 2 txanda desberdinetan banatuko dira: 9:30ean lehenengoa eta 11:30ean bigarrena.
- Oharra: Izen-emate libreak antolaketako baldintzak onartzea dakar.