Tolosako San Frantzisko pasealekuak itxura berria zuen gaur arratsaldean. Atletismoko pista bilatu dute Tolosa CF-ko Atletismo sailekoek.
Hiru mailetan banatuta aritu dira lehian, eta umore ona izan da protagonistetako bat. Festa kutsua zuen atletismo pista berriak. Lehia sanoa sortu nahi izan dute probarekin, eta herritar gazteenak atletismora gerturatzea izan dute helburuetako bat. 4x400 proba izanik, lau kideko taldeak osatu behar izan dituzte parte hartu dutenek; neska-mutilez osatuak guztiak.
Ikusmina sortu du, eta pistaren bi aldeetara egon dira animatzaileak.