Gaur eman diote hasiera Herritarren Batzarrari, eta guztira 32 herritar izango dira datozen larunbatetan osasuna eta ongizate emozionalaren inguruan hausnartu eta deliberatuko dutenak. Saio bakoitzean gai horren inguruko adituen eskutik informazioa jaso eta hausnarketa egingo dute. Abenduaren 19an egingo duten azken saioan, udal ordezkariei aurkeztuko zaizkie herritarrek landutako proposamenak. Ondoren, udal arduradunek ekarpen horien guztien bideragarritasuna aztertuko dute eta azken saio batean, 2023an egingo dena, herritarrek egindako gomendioei erantzuna emango diete, zein inplementatuko diren eta zein ez eta zergatik azalduz.