110 kilometro eta 6.000 metroko desnibel positiboa. Erronka hori zuten aurretik ostiralean Sanabrian elkartu ziren 111 korrikalarik. Ostiralean hasi eta igandean amaitzen zen Etapakako Mendi Lasterketen Espainiako Txapelketa, eta 111 ausart horien artean zegoen Jon Vallejo tolosarra. Ostiral goizean, 36 kilometroko etapan, hamazazpigarren izan zen Vallejo (3.54.55); larunbatean, 42 kilometroko etapan, hamalaugarren helmugaratu zen (4.23.29); eta igandean, 32 kilometroko proban, hemezortzigarren sailkatu zen tolosarra (3.22.34). Emaitza horiei esker, tolosarra hamalaugarren izan zen sailkapen nagusian.
Jon Vallejo 14. izan da Etapakako Mendi Lasterketen Espainiako Txapelketan
Ostiraletik igandera bitarte jokatu zen Zamorako Sanabria herrian (Gaztela eta Leon), eta tolosarrak 11 ordu 40 minutu eta 58 segundo behar izan zituen 110 kilometroak egiteko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!