IX. Ogi Berri Pilota Txapelketa Migel Soroa Oroimenezkoaren lehen jardunaldia jokatu zen atzo arratsaldean Beotibar pilotalekuan. Promesen mailan, Tolosa Aurrerako Perurena-Gabirondok 22-18 irabazi zioten Etxeberria-Mario Garcia bikoteari. Lehen mailako neurketan, Intxurre elkarteko Zubeldiak ez zuen partida irabazi, Odriozolarekin batera 22-14 galduz Etxaniz-Eskuza bikoaren aurka. Elite mailan, Tolosa Aurrera elkarteko Aizpuruk irabazi ahal izan zuen partida estu batean. Igoarekin batera 22-20 irabazi zioten Mata-Cuairan bikoari.