Larrartek atzo izan zituen omniuma osatzen duten lau probak. Scratch probarekin hasi zen tolosarra eta 14. postuan amaitu zuen. Oso erritmo bizian jokatu zen proba hori eta Jennifer Valente estatubatuarrak irabazi zuen. Ondoren Tempo Race probaren txanda izan zen, baina Larrartek ezin izan zuen punturik eskuratu, eta 16. postuan amaitu zuen. Bigarren proba horren ondoren 17. postuan zihoan sailkapenean. Kanporaketa proban 15. postuan amaitu zuen tolosarrak. Laugarren eta azken proban, puntuazioan, ez zituen lortu bere sentsazio onenak eta azkenean 17. postuan geratu zen Larrarte. Atzoko probarekin bukatu zaio aurtengo Munduko Txapelketako parte hartzea tolosarrari.
Parisen jokoan dagoen Pistako Munduko Txapelketan parte hartu du txirrindulari tolosarrak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!