Urrezko Aizkorako Txapeldunen Liga irabazi berritan, Iker Vicente apusturako gogoz azaldu da. Bihar Tolosako Kantabrikon egongo da Aitzol Atutxaren zain. Dena irekita utzi nahi izan du Vicentek, eta bizkaitarrari abantaila emateko prest dagoela ere esan du. Apustua aurrera ateratzekotan, beraz, bihar erabaki beharko dituzte egin beharreko lanak eta baldintzak.
Urriaren 21ean berriro Kantabrikora itzuliko da nafarra. Kasu horretan, desafioa Txikia IV.ari eta Otañori bota die. Bakarra bikotearen aurka. Vicentek 40 kanaerdiko eta azkoitiarrak eta beizamarrak bat gehiago, hau da, 41. Berria egunkarian azaldu denez, Julen Alberdik ezezkoa esan omen du, hala eta guztiz ere, Vicentek itxaropena ez duela galdu esan du elkarrizketa horretan.