Aimar Olaizola Baikoko kirol arduradunaren hitzetan «klase handiko pilotaria da, ikusteko oso gustagarria», eta, bere ustez, «afizionatu mailako atzelaririk onena da momentu honetan».
Afizionatuetako azken hilabeteetan, Iztuetak hainbat txapelketa garrantzitsu irabazi ditu, hala nola Lezamako Torneoa, GRAVNI Torneoa eta Mallabiko Biharko Izarrak Torneoa.
Tolosa Aurrera Pilota Elkartean hezia, Iztuetak bi urtez sinatu du Baiko Pilotarekin eta azaroan egingo du debuta. Tolosarra eskertuta azaldu da Baikok debuta egiteko emandako aukeragatik.