Gazteen boluntariotza azoka antolatu dute Tolosako Udalak eta Inmakulada Ikastetxeak elkarlanean. Azokaren helburu ere zehaztu dute: «Gazteen artean boluntariotza sustatzea eta boluntariotza proiektuak ezagutu zein esperimentatzeko gune bat eskaintzea, etorkizunean, gizarte eraldatzaile herritar konprometituak izan daitezen».
Azokara Tolosaldeko ikastetxe guztiak zeuden gonbidatuta eta 850 gazte inguruk hartuko dute parte, besteak beste Herrikide, Laskorain Ikastola, Orixe, Don Bosco, Gainberri, Tolosaldea, Peñascal eta Tolosako Inmakulada Lanbide Ikastolako ikasleek. Horrez gain, 17 elkarte egongo dira azokan beren proiektuak eta eskaintzak aurkezten: Jatorkin Al-Nahda, Abegi, Atzegi, Adinkide, Eskola Laguntza, Cear, Gizalde, Dya, AECC, Goyeneche, Itaka-Eskolapios, Gautena, Zutani, Urrats bat, Aspace , Asebier eta Dementzia Bizitzen