Grafikagintzako langileak berriro kalera atera dira. Gaur hirugarren greba eguna dute, «hitzarmen duin baten alde». Trianguloa plazan hori oihukatu dute, besteak beste. Ostegunean berriro ere greba egingo dute, ELA eta LAB sindikatuek deituta.
Sindikatu abertzaleen arabera grebaren jarraipena %80koa izaten ari da: «Hala ere, Adegik mugitu gabe jarraitzen du. Laugarren greba egunaren ondoren, ez badu urratsik ematen, denbora bat emango diegu eta ondoren ikusiko dugu».
Ostegunean, berriro Tolosaldean egingo dituzte mobilizazioak. 09:00etan Usabal kiroldegiaren kanpoan elkartuko dira, kotxe karabana egiteko. 11:00etan Trianguloa plazara joango dira, elkarretaratzea egitera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!