Tolosako Udalak 2022 urteko aurrekontu proiektuan jasotako egitasmoak abiarazten jarraitzen du, eta ekainean, Arkaute eraikineko teilatua eraberritzeari ekin zion, egoera txarrean zegoelako eta segurtasuna bermatzeko eraberritze-beharra zuelako.
Obra hauen bitartez, maldadun teilatua eta estalki laua (terraza) eraberritu dituzte, eraikin baten kontserbazio lan gisa. Teilatuak ur sarrera puntualak jasan izan ditu eta, horrek urteetan sortutako narriadura kontuan izanda, teilatuaren azterketa orokorra egin zuten. Bertan aurreikusitakoa oinarri hartuta, egitura puntualki sendotu dute eta, urak eragindako kaltearen ondorioz hondatuta zeuden habexka batzuk ordezkatu dituzte.
Obra zuzendaritza Arretxe Aholkularitza enpresari esleitu zitzaion lizitazio bidez, eta eraikuntza lana, aldiz, IZ4 Guipuzcoa SL enpresari. Ekainean hasi zituzten obrak eta lanak aurreikusitako epean amaitu dituzte. Guztira, 107.190,20 euroko aurrekontua izan dute lanek, BEZ barne. Aurtengo aurrekontu proiektuan aurreikusia dago baita ere, eraikina barrutik erabat berritzeko proiektua egitea.
