Beotibar pilotalekua bete nahi dute urriaren 1ean

Esku pilotari profesionalekin eta Tolosa CF-koekin jaialdia antolatu dute, klubaren 100. urteurrena dela eta. Hiru partida jokatuko dira.

Jaka-Albisu eta Peña II-Mariezkurrena II.aren arteko partida izango da jaialdiko partida nagusia. Aurrez, Agirre eta Bakaikoak neurtuko dituzte indarrak. Azken partidan Tolosa CFko pilotariak ariko dira lehian, Altuna-Iztueta eta Amiano-Ugartemendia.

Urriaren 1eko pilota jaialdia 17:15ean hasiko da. Kantxako sarrera 35 eurotan jarri dute eta errebotekoa 20 eurotan. Goiko solairuan, 15 urtetik beherakoek sarrera dohain izango dute, guraso baten laguntzarekin joaten baldin badira pilotalekura.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!