Tolosako Udaletik azaldu dutenez, deialdiaren helburua ondorengoa da: "Gazteentzako lan aukerak areagotzea, langabezian daudenentzako aukerak sortzea eta eskualdeko laneratze-tasa handitzea, beti ere, ekoizpen-sistemaren, enpresen eta langileen premiei erantzunez".
Bete beharreko baldintzak
Lanpostuetarako eskaera egin ahal izateko, udalak ondorengo baldintzak jarri ditu:
- Tolosaldean bizitzea.
- 16 urte baino gehiago eta 30 baino gutxiago izatea.
- 3.HE euskara-eskakizuna edo baliokidea izatea, profil teknikoen kasuan, 4.HE.
- Enplegu-eskatzaile izatea, alta egoeran, Lanbide-Euskal Enplegu Zerbitzuan, eta bete behar den lanpostuari dagokion hezkuntza-maila izatea.
- Gazte Bermerako Sistemaren Fitxategian inskribatuta egotea eta, kontratazioari eta ekintzailetzari laguntzeko jarduketa baterako hautatua izateko, onuradun izatea 18/2014 Legean xedatutakoaren arabera.
Toki erakundeek gazteak kontratatzeko 2022ko laguntzen artean, Euskal Autonomia Erkidegoko EGF Plus 2021-2027 programaren baitan, Tolosako Udalak 224.044,17 euroko dirulaguntza jaso du zazpi kontratu hauek aurrera eramateko, azaldu dute.
Lanpostuak ondorengoak dira:
- Gizarte langilea
- Inguruneak eta sozietate digitalak dinamizatzeko teknikaria
- 2 informatikari
- Ingeniari edo arkitekto teknikoa
- Energiarako teknikaria
- Harrera publikorako administraria
Eskaera nola egin
Interesdunek eta baldintzak betetzen dituztenek, irailaren 19a baino lehen izapidetu behar dute eskabidea, Lanbide-Euskal Enplegu Zerbitzuaren webgunearen bidez: www.lanbide.euskadi.eus.