Klima aldaketari aurre egiteko bizikletaren erabileraren garrantzia azpimarratzea izango dira Mugikortasun Asteko eta Asteklimako aldarriak. Europan bihartik aurrera ospatuko dute Mugikortasun Astea, eta ondoren klima aldaketaren inguruan kontzientzia piztea helburu duen Asteklima. Eskualdean Tolosaldea Garatzen agentziaren bidez ospatuko dira bi hitzorduak eta lehen ekitaldia astelehenean izango da; Gurpilgunea irekiko dute. Ekitaldi nagusia hilaren 23ko Bizibira Fest bizikleta bira izango da. Ibarrako plazatik aterako dira 17:30ean eta Tolosan bi ibilbide izango dira; bata Larramenditik aterako da eta San Inazio kaletik bestea.
Egitaraua
- Irailak 19. Gurpilgunearen ate irekiak 17:00etan.
- Irailak 21 eta 22. Gurpilgunearen ate irekiak 17:00etatik 19:00etara.
- Irailak 23. Bizibira Fest 17:30etik aurera eta 17:30tik 19:00etara festa Zumardiaundian.
- Irailak 24. Bigarren eskuko bizikleta azoka Zumardiaundian 10:00etatik 13:00etara; patinak, patineteak, kaskoak...