Zaleen aurrean taldearen aurkezpena egiteko baliatu dute gaur Berazubin jokatutako partida, UCD Burlades taldearen aurka, hirugarren mailan dagoen talde nafarra. Bana berdindu dute, eta etxeko taldeak itxura ona eman du.
Aurkezpenean, jokalariak banaka atera dira zelai erdira, eta zaleen txaloak jaso dituzte. Joseba Roteta entrenatzaile berria ere zelai erdian izan da, bere bi laguntzailerekin batera. Laster abiatuko da liga taldearentzat, hurrengo asteburuan, irailaren 10-11koan, hain justu, izango baitute lehen partida. Zumarragako Urola taldearen aurka jokatuko dute, etxetik kanpo.