Mendi irteera

Alpino Uzturre Mendi Elkarteak irteera antolatu du Pirinioetara. Irailaren 10an (larunbata) irtengo dira Tolosako San Frantzisko eliza atariko autobus geltokitik, 6:30ean. Txangoa Lizara aterpean (1.540 m.) hasiko da, eta Canfranc herrian (1.045 m.) amaitu, Collado del Bozo lepotik (2.019 m.) eta Majada de Gabarditotik (1.520 m.) igaro ondoren.

Irailaren 11n, berriz, Astun eski estazioan (1.730 m.) hasiko dute txangoa, eta Ayous aterpetik (1.967 m.) eta Chemin de la Maturetik (798 m.) igaro ondoren, Etsaut (594 m.) frantziar herrian amaituko dute.