Irailaren 1etik aurrera BPXPORT enpresa arduratuko da Tolosako Udaleko kirol instalazioen kudeaketaz. Hori horrela, indarrean sartuko da Usabal kiroldegira eta Berazubiko estadiora sartzeko pultsera sistema berria.
Horiek horrela, erabiltzaileek orain arte erabiltzen zuten txartela eskumuturrekoarengatik ordezkatu beharko dute kiroldegian bertan, eta dagoeneko egin dezakete aldaketa. Pultsera sistemaz gain, erabiltzaileek ez dute bestelako aldaketarik nabarituko zerbitzuei eta ordainketei dagokienean.
Ordutegi zabalagoa
Kontratu berriaren baitan hainbat hobekuntza eta inbertsio egitea ere aurreikusten da herritarrei eskainitako zerbitzua hobetzen jarraitzeko helburuarekin eta instalazioak egoerarik onenean mantentzeko asmoz. Horrela, irailaren 1etik aurrera ordutegia zabalduko dute eta Usabal Kiroldegia irekita egongo da astelehenetik larunbatera 07:00etatik 22:00etara eta igande eta jai egunetan 08:00etatik 14:00etara.