Gaur Castro Urdialesen Euskotren Ligako estropadan Tolosaldea hirugarren izan da, eta Donostiarra laugarren. Itzulerako luze hobea egin dute tolosarrek, eta sailkapenean bien arteko tartea estutzea lortu dute. Donostiarrak 19 puntu ditu eta 17 Tolosaldeak. Zarauzko Ikurrinaren bi jardunaldiak soilik geratzen dira liga amaitzeko.
Denboraldia, aise dominatu du Oriok, eta gaurkoarekin, orain arte jokatu dituzten hamabi estropadetatik hamar irabazi dituzte. Denboraldia parekatuta hasi zuten Oriok eta Arraun Lagunakek, baina azken estropadetan nabaria izan da bi ontzien arteko tartea. 46 puntu ditu Oriok, 38 Arraun Lagunakek. Zarauzko Ikurrinaren bi jardunaldien faltan, ezinezkoa da jada Arraun Lagunakek errenta jatea, eta beraz, Oriok irabazi du aurtengo Euskotren Liga.