Ostiral arratsaldean jokatu ziren 54. Tolosa CF Pala Txapelketako finalak. 18:00etan hasita, bigarren mailako finalak jokatu ziren lehenik: Altuna-Zabala bikotea izan zen irabazalea, Zurutuza-Manterola bikotea 30-25 garaituta. Bigarren partida, emakumezkoen mailakoa izan zen. Kasu honetan, Lopez-Aldasoro izan ziren txapela jantzi zutenak Balerdi eta Urien aurka, 26-30 irabazita. Eta azken partidan, gizonezkoen lehen mailakoan, Loidi-Eskudero bikoteak 18-30 hartu zituzten mendean Zabala eta San Miguel, iazko txapela ondo baino hobe defendatuz.
Aurtengoan, gainera, epaile lanetan aritzen den eta antolakuntzaren parte den Sebas Osinalde omendu zuten.
46. Txapelaren oroigarri eta pala txapelketa
txapelaren oroigarri finalak ere jokatu ziren ostiralean. Iaz Julen Loidirekin batera txapeldun izan zen Nagore Murua aurtengoan ere protagonista izan da bere osaba, Mikel Goitiarekin batera. Bigarren aldiz jarraian jantzi du txapela bikote mixto batek 30-10 irabazi ostean. Aurkariak izan zituzten Jon Aldazabal eta Martin Zelaia. Bi hauek, ordea, ezin izan zioten aurre egin altzoko bikoteak eskainitako jokoari, eta azkenean, nagusitasunez irabaztea lortu zuten altzotarrek.
Tolosa CF pala txapelketa nagusian parte hartu, eta izena eman zuten hamasei jokalarien artean, zortzi bikote osatuz jokatu ziren pasa den astean, astelehenetik ostirala bitarte, zortzi partida final laurden, final erdi, eta final egunarekin. Final honen aurretik hirugarren eta laugarren postua jokatu zituzten, Arregi-Agirre osaturiko bikotea, Amaia Lopez eta Ganixek osaturiko bikote mixtoaren aurka. Azkenean, azken bi hauek irabazi zuten 30-20ko emaitzarekin.
Argazkiak: Tolosako palistak
54. pala txapelketa finaleko emaitzak
Lehen mailan
Zabala-San Miguel (Gaztelu-Lasarte) 18
Loidi-Eskudero (Andoain) 30
Bigarren mailan
Altuna-Zabala (Alegi) 30
Zurutuza-Iturrioz (Hernani) 25
Emakumezkoetan
Balerdi-Urien (Hernani) 26
Lopez-Aldasoro (Idiazabal-Ataun) 30
46. txapela oroigarriaren finaleko emaitzak
Nagore-Goitia 30
Aldazabal-Zelaia 10