Estropadaren hasieran nabarmena izan da ligako bi protagonista nagusien arteko parekotasuna. Lehenengo luzea ia parean egin dute, eta ziabogara segundo bakarreko errentarekin iritsi dira oriotarrak. Bigarren luzean Arraun Lagunakek ezin izan dio martxa eutsi ligako liderrari. Azkenean, Oriok 9 segundo atera dizkio Arraun Lagunaki helmugan. Hirugarren posturako borrokan, gaur, Donostiarra izan da nagusi 11 segundora helmugaratuta. Tolosaldea laugarren izan da 12 segundora.
Lau estropadaren faltan, Oriorena da Euskotren Ligako sailkapen nagusiko lehen postua 38 punturekin. Bigarren da Araun Lagunak, 32 punturekin. Hirugarren postuan Donostiarra dago 16 punturekin, eta laugarrenean Tolosaldea 14rekin.
Hurrengo asteburuan
Datorren larunbatean, abuztuaren 13an, Ondarroako XXXVIII. Bandera-Cikautxo SN. Eta igandean, berriz, abuztuaren 14an, X. CaixaBank Bandera, Castro Urdialesen.