Ander Martinez de Rituertok bosgarren egin du Munduko Txapelketan

Real Sociedad taldeko pertika jauzilari tolosarrak 20 urtez azpiko Munduko Txapelketan 5,25 metrotako jauziarekin berak ezarritako Euskadiko marka gainditzea lortu du.

Ander Martinez de Rituerto Real Sociedad taldeko pertika jauzilariak bosgarren egin du 20 urtez azpiko Munduko Atletismo Txapelketan. Espainiako selekzioak aukeratutako taldean aritu da tolosarra eta finalean bosgarren tokian sailkatzea lortu du, 5,25 metroko jauzia egin ondoren. Honenbestez, 5,23 metroan ezarria zuen Euskadiko marka gainditzea lortu du Martinez de Rituertok.

1.500 kirolari baino gehiago aritu dira Calin bihar amaituko den 20 urtez azpiko Munduko Atletismo Txapelketan. Espainiako selekzioak aurtengo txapelketan lortu duen posturik onena izan da pertika jauzilari tolosarrak erdietsitakoa.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!