Tolosaldeak laugarren jarraitzen du

Tolosaldeko Ataria 2022ko abu. 1a, 12:27
Atzo jokatu zuten XI. Euskotren Bandera Lekeitioko uretan. Argazkia: Aitor Arrizabalaga.

Larunbatean Getxoko Bandera lortu zuen Oriok, eta igandean berriz, Euskotren Banderarekin egin zen Lekeitioko uretan. Oraindik erabakita ez dagoen arren, kolore horia hartzen ari da liga.

Asteburu borobila izan da oriotarrentzat. Izan ere, azken bi garaipenak lortu ditu talde horiak; larunbatean Getxoko Bandera lortu zuen eta, igandean berriz, Euskotren Banderarekin egin zen Lekeitioko uretan erakustaldia eman ostean. Oriotarrek sei bandera jarraian bereganatu dituzte eta lidertza sendotu dute Euskotren Ligako sailkapen nagusian.

Euskotren Ligako sailkapen nagusian Orio da liderra 30 punturekin. Arraun Lagunak da bigarren 26 punturekin. Hirugarren postuan dago Donostiarra 13 punturekin eta laugarren da Tolosaldea 11 punturekin.

Hurrengo asteburuan

Datorren larunbatean, abuztuaren 6ean, Emakumeen III. Mapfre Bandera izango da jokoan, Hondarribian. Eta igandean, berriz, abuztuaren 7an, Getariako XIII. Ikurrina, 500. Urteurrena Saria.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!