Ander Gorostidi (Tolosa, 1996) Tarragonako Gimnastic taldeko jokalaria da dagoeneko. Azken bi denboralditan AD Alcorcon taldean jokatu du Gorostidik eta taldearekin duen lotura amaitu ondoren kontratua sinatu du Kataluniako taldearekin. 2024ko ekainera bitartean arituko da Tarragonako Gimnastic-en.
Gorostidik Realeko beheko kategorietan abiatu zuen bere futbol ibilbidea, eta Sanserekin, ia 100 partida jokatu zituen brontzezko kategorian; 11 gol sartu zituen eta Bigarren A mailara igotzeko bi kanporaketetan lehiatu zen.
Raul Agnek Nastic taldearen entrenatzailearen esanetan, Gorostidik taldeko erdilarien lerroari "kalitatea eta zorroztasun taktikoa" eskainiko dizkio; bere ezaugarrien artean nabarmendu du bere aldakortasuna, bai defentsarako kokapenarekin, bai taldekideekin jolasteko duen gaitasunarekin. "Etorrera bikaina du arerioaren eremura, eta horren adibide dira, 2019-2020 denboraldian, Sanseko kapitain zela sartutako 6 golak".
Gorostidik dagoeneko burutu du lehen entrenamendua Tarragonako Gimnastic-ekin.