Jon Laukvik organistaren eta Mirua taldearen kontzertuez gozatu ahal izango da abuztuan Tolosan. Donostiako Musika Hamabostaldiaren barruan, Jon Laukvik organista norvegiarraren kontzertua egongo da abuztuaren 2an, 20:00etan Tolosako Santa Maria elizan. Europan, Kanadan, Japonian, Korean, Israelen eta Estatu Batuetan egin ditu birak, eta Tolosan emango duen kontzertua ere berezia izango da.
Horrez gain, aurten Zumarditxikian egin den Kultura Plazara jaialdiaren ondoren, Tolosako Udalak, jarraipena emateko asmoz, Beste Plazak programa osatu du herriko auzoak dinamizatzeko. Oraingoz, udalak aurreratu duenez, Mirua taldearen kontzertua egongo da abuztuaren 27an, 19:00etan Aldaba auzoan.