Gehigarria: osasuna eta jarduera fisikoa

«Hausnarketa sustatzea da helburua»

Tolosan dago (Parentesis) Psikologia Zentroa eta Agus Tena Gonzalez psikologoa da bertako arduraduna. Osasun psikologoa eta psikoterapeuta humanista izateaz gain, Gestalt eta ACT-n prestakuntzak ditu. (Parentesis) Psikologia Zentroan bere zeregina da «espazio seguru eta konfiantzazkoa eskaintzea, laguntza bila joaten den pertsona bere sufrimenduaren arrazoiak aztertu eta kudeatzeko gai izan dadin».

Zein zerbitzu eskaintzen ditu (Parentesis) Psikologia Zentroak?

Ematen den zerbitzua psikoterapia da, eta nire ustez kontsultara joaten diren pertsonekin batera egiten den prozesu bat da, beren bizitza eta nortasun bakarrarekin onarpen giro bero eta lagungarrian sartzen baitira. Hausnarketa sustatzea da helburua, nahi dugun bizitza izatea eragozten diguten emozioak, pentsamenduak eta jokabideak ulertzea eta horiei zentzua ematea. Psikoterapiak ondoezetik arazoei aurre egiteko gaitasunera garamatza, eta norberarekiko eta ingurunearekiko jarrera osasungarriak garatzen laguntzen du.

Zeintzuk dira kontsultaren arrazoi nagusiak?
Antsietate-arazoak dira, zalantzarik gabe, ohikoenak direnak. Hori horrela da, halaber, osasun mentalarekin eta emozionalarekin lotutako arazo guztien atzean —depresioaz, bikote-arazoez, laneko arazoez, doluaz, adikzioez edo fobiez hitz egiten dugunean, bakar batzuk aipatzearren— antsietate-sintomatologia aurkitzen dugulako.

Noiz jo behar da psikologo batengana?
Herritarrek gero eta argiago dute zer arrazoi egon daitezkeen psikologo batengana jotzeko. Hori esanda, kontuan hartzeko sintomak askotarikoak izan daitezke. Gure gorputzak bizitasuna galtzen duenean eta giharretako mina, digestio-arazoak, lo arazoak edo gaixotasunak agertzen direnean sintoma somatikoak izan ditzakegu. Emozionalak, gure gogo-aldartea aldatuta dagoenean eta geure buruarekin ezezagun batekin bezala sentitzen garenean eman daitezke. Gure pentsamenduak sufrimendua eragiten badigu eta egoerak modu negatiboan interpretatzeko joera badugu sintoma kognitiboez hitz egingo genuke. Arreta jarri behar dugu ere adikzio, alkohol edo elikadurarekin lotutako ohiturak aldatu ote ditugun.

Nolakoa da zure lan egiteko modua?
Oso kontuan ditut ezaugarri pertsonalak, eta kontsultara joaten denaren beharretara egokitzen saiatzen naiz. Esan ohi dudan bezala, neurrira egiten ditut jantziak.

 
(PARENTESIS) PSIKOLOGIA ZENTROA

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!