Talde donostiarraren eta oriotarraren arteko lehia parekatua izan da azkenera arte. Azkenean, Oriok ezin izan dio donostiarren erritmoari eutsi eta estropadako lau puntuak Arraun Lagunakek poltsikoratu ditu, 21 minutu eta 58 segundoko markarekin garaipena lortu ostean. Bi segundora bigarren postuan sailkatu da Orio, eta hiru puntu bildu ditu. Tolosaldeak hirugarren postua eskuratu du gaurkoan, irabazlearekiko 22 segundora helmugaratuz; eta Donostiarra laugarren, 24 segundora.
Euskotren Ligako sailkapen nagusian Arraun Lagunak da liderra eta Orio bigarren postuan da, baina biak 14 punturekin berdinduta daude. Donostiarra da hirugarren 7 punturekin, eta Tolosaldea laugarren 5 punturekin.