Asteburuan Tolosan gertatutako sexu erasoaren aurrean biktima artatzeko protokoloa martxan jarri du Tolosako Udalak eta gertaera salatzeko eta gaitzesteko elkarretaratzea deitu du. Ertzaintzak ikerketa abiatu du, eta beste hainbat zerbitzu publiko ere biktimari laguntza emateko martxan jarri direla jakinarazi du Udalak.
Gertaera salatzeko eta eraso sexista irmoki gaitzesteko bihar, uztailak 11, astelehena elkarretaratzea egingo dute Tolosako Plaza Zaharrean, arratsaldeko 19:00etan.
Udalak horrelako gertaeren aurka lanean jarraitzeko konpromisoa irmoki azaldu du eta herritarrak elkarteratzean parte hartzera animatu ditu, "publikoki emakumeen eta gizonen berdintasunaren aldeko eta indarkeria sexistaren aurkako jarrera azaltzeko, indarkeria sexista desagerrarazteko behar beharrezkoa delako gizarte osoaren inplikazioa".