Toloboleik 10 urte baino gehiago daramatza lanean boleibola ezagutarazi, herrira atera eta kirola aupatzeko helburuarekin. Adin guztietara hedatzen da eta txapelketaren antolaketa, azken finean, Tolosako Ferialekuan urtean zehar egiten dituen ikastaroen amaiera besterik ez da.
Horrela, eta ohiko antolakuntzarekin jarraituz, Tolosaldeko 32 talde mistok osatuko dute txapelketa. Maila askotariko jokalariek parte hartuko dute, eta "ikuskizuna eta aldarte ona" bermatuta egongo dela azaldu dute antolatzaileek.
Boleibola, kirola eta giro ona faltako ez diren egunetan, Tolosako Euskal Herria Plazara gerturatzeko gonbita egiten dute Toloboleiko kideek. Izena ematea nola egin daitekeen jakiteko toloboleitxapelketa@gmail.com helbidera idatzi daiteke.