Emakumezkoen txapelketan Arraun Lagunak taldeak eta Oriok lehia estua ari dira eskaintzen. Gaur denboraldiko bigarren bandera izan dute jokoan; Donostian jokatu den Fabrika Bandera, hain zuzen. Azken metroetan Orioko neskek indarrak atera dituzte eta aurkariengandik urruntzea lortu dute, Arraun Lagunengandik lau segundo lehenago helmugaratuz. Donostiarrak eta Tolosaldeak txapeldunengatik minutu erdira bukatu dute estropada.
Horrela, Oriok bere lehen garaipena lortu du eta sailkapen nagusian lider jarri da. Arraun Lagunak bigarren postura jaitsi da. Donostiarra eta Tolosaldeak ere lehia izan dute tartean hirugarren posturako borrokan. Azkenean, Donostiarrarentzat izan da eta laugarren Tolosaldea sailkatu da.
Sailkapenak
1. Orio 11:17,54
2. Arraun Lagunak +04.58ra
3. Donostiarra +30.36ra
4. Tolosaldea +31.06ra