Horiz blaitu dute auzoa, beste behin. Izan ere, hainbat auzotar izan dira aurtengo danborradan parte hartzera animatu direnak. Guztira, 80 parte hartzaile inguru elkartu dira, haur eta helduak, auzoa girotu eta danbor hotsez betezeko. Horretarako, Konponezinak txarangaren laguntza ere izan dute. Auzoko kaleak igaro ostean, plazan elkartu dira, eta guztiek batera hainbat pieza jo dituzte, inguruan elkartu direnen gozamenerako.
Danborradaren ostean auzo bazkaria egin dute plazan, Konponezinak txarangak girotuta. Tartean, karta-jokoen sari banaketa egingo dute. Arratsaldean berriz, beste hainbat ekitaldi izango dituzte. Hala nola, aurreskoa edota toka txapelketa, eta iluntzean, berriz, sardina jatea eta DJ XA2.
22:30etan botako dute suziria aurtengo festei amaiera emanez.