Festarekin jarraitu eta goseari aurre egiteko sagardo eta patata tortilla lehiaketak ezin zuen huts egin Urkizun. Hainbat izan dira txapelketan parte hartzera animatu diren herritarrak. Bi eta hiruko taldeak osatuta eta tortilla egiteko osagai eta tresna guztiak hartuta, sukaldari bihurtu dira egun batez. Behin patata tortillak eginda auzoko patata tortilla hoberena dastatzeko aukera izan dute guztiek.
Gaur, ordea, festak ez du etenik izango. Arratsaldeko 18:00etan umeen jolasak izango dira eta helduentzat berriz, bolo eta toka txapelketa. Horren ostean, indarrak berreskuratzeko txokolatada egingo dute.