Mugetan ematen diren heriotzen aurka egiteko deialdia egin dute hainbat elkartek, pasa den asteburuan Espainia eta Maroko arteko mugan emandako sarraskia dela eta. Elkarretaratzea bihar izango da Tolosako Trianguloan 19:30etik aurrera, eta herritarrei kandelekin eta loreekin joatera eta beltzez jantzita joateko gonbita luzatu diete, "gure begirunea adierazteko eta Europa Gotorlekuan eta gainerako mugetan hildako pertsona guztiak oroitzeko".