Bi urteko etenaldiaren ostean, Urtzi Gurrutxagaren Oroimenezko Txapelketa jokatu dute Berazubiko zelaian. Hamasei futbol taldek hartu dute parte, eta Vasconia gailendu da.
Mutilen alebinetako bigarren urteko taldeak izango dira parte hartu dutenak, Reala, Zarautz, Hondarribia, Beasain, Hernani, Danena, Intxurre, Vasconia, Billabona, Añorga, Lazkao, Ostadar eta Martutene izan dira talde gonbidatuak, eta horiekin batera, etxeko hiru talde aritu dira, Tolosa CF, Tolosana eta Urdiña Txiki. Aurten klubaren mendeurrena ospatzen ari dira, eta Tolosa CF sortzerakoan elkartu ziren taldeen izenak erabili dituzte.
Bada, goizetik arratsaldera bitarte Berazubin etengabe partidak izan dira, futbol zaleen gozamenerako. Arratsaldean jokatu den finala Tolosa CF eta Baskoniaren artekoa izan da, penaltietara iritsi dira, eta azkenean Vasconiak irabazi du txapelketa.