Gogotsu hartu zuten txapelketa, eta askorentzat beren lehen Euskadiko Txapelketa izan arren, urduritasuna alde batera utziz, tapizean bikain defendatu zuten urte guztian egindako lana. Amaiera paregabea lau taldeentzat, A eta B mailako urrea eta zilarra Tolosara ekarri zituztelarik. A mailan, Tolosa txapeldun eta Ordizia txapeldunorde, eta B mailan Tolosa H garaile eta Tolosa S bigarren.
Denboraldi "zoragarria" izan da Tolosako gimnasia taldearentzat. Igandean, denboraldiari amaiera emango diote herrian. Hortaz, ekainaren 12an, 11:30ean, herritar guztientzako ikasturte bukaerako emanaldia eskainiko dute Usabal kiroldegian.