Gizonezkoen areto futboleko Laskorain taldeak bigarren bukatu du Hirugarren Mailako liga, eta larunbat honetan igoera fasearen finalerdia jokatuko du, hirugarren geratu den Antiguoko taldearen aurka.
Partida Tolosako Usabal kiroldegian izango da, 17:00etatik aurrera. Partida irabazten duenak finalera sailkatuko da. Beste finalerdia Afantxo lehen sailkatua eta Eskoriatza laugarren sailkatuaren artekoa izango da. Bigarren B mailara talde bakarra igoko da, finala irabazten duena.
Laskorain taldetik zaleei deialdia egin diete larunbatean Usabal kiroldegira joan eta taldea animatzera. Bigarren B maila berreskuratzeko lehen pausoa egiteko laguntza eskatu diete.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!