Berazubi estadioaren sarreran —Tolosa CF plazakoa— dagoen armarriaren ondoko urtea berritu dute, "2022" jarriz, eta gaur klubeko bandera, zein hiribilduarena eta ikurrina jarriko dituzte.
Asteburuari begira, beste zenbait ekitaldi izango dira. Ostiralean, Gipuzkoako Futbolaren Gala egingo da, 19:00etan hasita, Topic zentroan. Bestalde, Urtzi Gurrutxagaren Oroimenezko futbol txapelketa jokatuko da, Berazubin, larunbatean egun osoan. 09:00etan hasiko da eta 18:00ak inguruan hasiko da finala. Igandean, berriz, gimnastika erritmikoko sailak ikasturte amaierako emanaldia egingo du. Usabal kiroldegian izango da, sarrera irekia izango da, eta 11:30ean hasiko da.