Urteetako ohitura da Bedaion Harri Jaia, eta atzo ospatu zuten eguna. Bedaioko baserrietan eta etxeetan uzta ona izateko eskaera egin zuten, eta harri jasarik ez dutela nahi eskatu zuten.
Eguraldi ona izan zuten lagun, eta meza nagusiarekin hasitako eguna ordu txikiak arte luzatu zuten. San Isidrori aurtengo uzta zaintzeko eskatu zioten, eta prozesioa ere egin zuten santua elizatik kanpora aterata.
Tripa ondo betetzeko aukera izan zuten bedaiotarrek. Meza ostean, hamaiketakoa izan zuten Abaetxen, eta trikiti doinuek alaitu zuten bazkarira bitartekoa. Abaetxen bertan bazkaldu zuten, eta afaria, berriz, elkartean egin zuten.
