Bonberenea Ekintzak zigiluaren 20 urteak ospatzeko musika jaialdia antolatu dute larunbaterako, hilak 4. Sarrerak salgai daude jada 10 euroren truke Entradium.com webgunean, eta larunbatean Bonberenean bertan erosi ahalko dira ere.
Ospakizun jaialdiko ateak 18:00etan irekiko dituzte eta 14 talde ariko dira; Rodeo, Sofa, Lepora, Humus, Occhi di Farfalla, Losado, Arima, Red Baleine, Tooth, Abereh, Dena, Adi!, Giante, Han eta Olariusen Brothersak. Bi agertoki jarriko dituzte eta kontzertuekin batera Dj-ak egongo dira. Bokatak ere erosi ahalko dira.
Bonberenea Ekintzek 20 urte bete dituelako antolatu dute musika jaialdia. Urte hauetan 108 disko atera dituzte. «Baina hau ez da diskoetxe bat, taldeei lagundu eta azpiegitura emateko proiektu xumea da», esan dute. Egindako ibilbide oparoari merezitako ospakizun jaialdia eskaini nahi diote eta etxeko taldeekin osatu dute egitaraua. 14 taldeak geldiunerik gabe ariko dira, etengabe, bi agertokietan. «Autogestioari gorazarre egingo diogu!», esan dute.
20 urte hauetan 108 disko argitaratu dituzte eta data borobil hau ospatzeko kontzertuak izango dira larunbatean; sarrerak salgai daude jada.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!