Tolosa Eskubaloia gizonezkoen bigarren taldeak Gipuzkoako lehen mailan jokatu du denboraldi honetan. Azken jardunaldian, eskura zuen Euskal Ligarako igoera lortzea; gutxienez, berdinketa lortu behar zuen Leioako Askartza taldearen aurka, baina puntu bakarrarekin nahikoa ez, eta bi lortu zituzten tolosarrek, bizkaitarrei 20-28 irabazita.
Larunbateko partidara joateko autobusa antolatu zuen klubak, eta erantzun ona izan zuen deialdiak; jarraitzaile ugari joan ziren tolosarrak animatzera. Partida bukatzean, festa izan zen nagusi kantxan eta harmailan.