Gure Txokoa elkartearen eskutik Ardo zuriaren azokaz gozatu ahal izan dute Tolosako Trianguloa plazara bertaratu direnek. Ardo mota desberdinak dastatzeko aukera izan da, estatu osoko 13 upategik parte hartu baitute, eta horrekin batera, Tolosako tabernetako pintxoak ere izan dira: Gure Txokoa elkartearekin batera, 19-90, Xare, Karela eta Fronton tabernek ere parte hartu dute azokan. Elkartetik azaldu dutenez, azokaren helburua hainbat izendapenetako ardo zuriak ezagutaraztea da.