Bihotzetik Elkarrekin Eraiki elkarteak antolatuta, doluari buruzko saioa izango da ostiralean, ekainak 3, Tolosako kultur etxeko areto nagusian. 18:30ean hasita, Iñaki Peña Debagoienako ospitaleko zainketa aringarrietako medikuak Oreka zaila izeneko hitzaldia eskainiko du. Tolosaldeko elkarteak, Gipuzkoako gainerako eskualdeetako talde gehiagorekin elkarlanean, heriotzari buruz hausnartzeko 42 saio desberdin egiten ari da Donostian, Orion, Zarautzen, Elgoibarren eta Tolosan, eta eskualdeko herri nagusian, ostiralekoa izango da hurrengo hitzordua. Sarrera doan bada ere, beharrezkoa da aurrez izena ematea, Bihotzetik.org webgunean edo 656 748 391 telefono zenbakira WhatsApp mezua bidaliz.
Debagoienako ospitaleko zainketa aringarrietako medikua izateaz gain, 2018az geroztik, Zarautz, herri zaintzailea mugimenduko sortzaile eta kide da. Gainera, doluari buruz egin diren ondorengo hiru dokumentaletako zuzendari eta gidoilaria da: Aulki hutsak (2013), S(u/a)minetik bakera (2017) eta Mendian hil, hirian hil (2020).
Hurrengo hitzorduak
- Ekainak 17, ostirala
- 18:00. Zine foruma, kultur etxean, elebitan: Mendian hil, herrian hil filma.
- Ekainak 21, asteartea
- 18:30. Bizitzen ikastea, hiltzen ikastea - Aprender a vivir, aprender a morir solasaldi informatiboa, gaztelaniaz, kultur etxean.