Txotxongiloak birtualki ikusteko aukera, Topic-en webgune berrian

Tolosaldeko Ataria 2022ko mai. 27a, 09:59

Tolosako Topic museoak webgune berria estreinatu du; museora bisita gidatua egiteko aukera da eskaintza nagusia: 103 txotxongilo ikusi daitezke, hiru dimentsioetan eta 360 graduko argazki interaktiboekin.

Webgune berria estreinatu du Tolosako Topic museoak, Chroma estudio enpresaren laguntzaz. Ondarearen digitalizazioan espezializatutako Emovere enpresaren eskutik, bisita birtual berritzaile bat egin du txotxongiloen nazioarteko zentroak. Talde honek, Topic 360º Museoa sortu du: Murgiltze-teknologiko berrienak konbinatuz, 103 txotxongilo sartu dituzte bisita birtualean, 360 gradutan eta bereizmen handian argazkiak aterata. "3D multimedia esperientzia interaktibo honek, Topic museoan sartuko gaitu, kolorez eta txotxongiloz betetako munduko txoko guztietako erakusketa zoragarriak ezagutzeko”, esan du Emoeveko kide den Uxue Monterok.

Murgiltze-bisita digitalaren abiapuntua aireko geolokalizazioa da, museoaren barrura sartzeko. Lau hizkuntzatan dagoen edozein gailu adimentsutik azter daiteke. Emoverek sortutako software baten bidez, txotxongiloak biratu eta handitu daitezke, angelu guztietatik ikusteko eta xehetasunetara hurbiltzeko, bisita birtuala utzi beharrik gabe. Beste elementu berritzaile bat txotxongilo bakoitzak bere storytelling edo deskribapena izatea da; txotxongiloen jatorria, teknika eta ezaugarriak azaltzen ditu.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!